Almaty qalasy ákimi Erbolat Dosaevtyń ókimimen Almaty qalasy Qoǵamdyq damý basqarmasynyń basshysy laýazymyna Aıdar Esenbekov taǵaıyndaldy.

Aıdar Esenbekov 1979 jyly 8 tamyzda týǵan. Ál- Farabı atyndaǵy Qazaq memlekettik ýnıversıtetin bitirgen, áleýmettaný magıstri.

Eńbek jolyn 2003 jyly M. Áýezov atyndaǵy Ońtústik Qazaqstan memlekettik ýnıversıtetinde oqytýshy bolyp bastaǵan. 2004-2006 jyldary-Ál- Farabı atyndaǵy QazUÝ oqytýshysy.

2006 jyldan bastap memlekettik organdar qurylymynda jumys isteıdi. 2006 jyly Almaty qalasy İshki saıasat basqarmasynyń Jetisý aýdany boıynsha aýmaqtyq bóliminiń bas mamany bolyp jumys istedi. Almaty qalasy Áýezov aýdany boıynsha ishki saıasat basqarmasynyń bólim bastyǵy qyzmetin atqardy.

2010-2012 jyldary etnosaralyq qatynastar jáne saıası partıalarmen jumys, úkimettik emes uıymdarmen jáne dinı birlestiktermen jumys jónindegi bólimdi basqardy.

2012-2016 jyldary-Almaty qalasy İshki saıasat basqarmasy basshysynyń orynbasary. 2016-2019 jyldary - Almaty qalasy Din isteri basqarmasynyń basshysy. 2019 jyldan bastap taǵaıyndalǵanǵa deıin Almaty qalasy Qoǵamdyq damý basqarmasy basshysynyń orynbasary qyzmetin atqardy.