Qazaqstan syrtqy ister mınıstrligi Azattyqtyń 36 tilshisine akredıtasıa bermeı jatyr. Bıyl Qazaqstannyń syrtqy ister mınıstrligi Azattyq tilshilerine akredıtasıa bermeıtinin habarlaǵan. Bul týraly Azattyq saıty jazdy. 

Azattyq redaksıasy barlyq qujattardy birneshe ret jáne ýaqytyly tapsyrǵan. Erejege sáıkes, syrtqy ister mınıstrligi shetel aqparat quralynyń tilshisine akredıtasıa berý nemese bermeý týraly sheshimdi ótinish túsken kúnnen bastap eki aı ishinde qabyldaýy kerek. Akredıtasıa berilmegen jaǵdaıda mınıstrligin sheshimin negizdeýi tıis.

Al Azattyq óz múddesin sotta qorǵaıtynyn habarlady.

Buǵan deıin elimizdegi akredıtasıa almaǵan shetel aqparat quraldarynyń qyzmetine tyıym salý týraly usynys túsken. Mass-medıa týraly jańa zańǵa sheteldik buqaralyq aqparat quraldary men olardyń jýrnalıserin akredıtteý erejelerine qatysty túzetýler engizilmek. Depýtattar usynǵan ózgerister syrtqy ister mınıstrligine «Qazaqstan Respýblıkasynyń ulttyq qaýipsizdigine qater tóngen jaǵdaıda» sheteldik BAQ ókildikteri men olardyń jýrnalıserin akredıtteýden bas tartý quqyǵyn beredi.