Qamaýdaǵy jýrnalıs Áıgerim Tileýjannyń densaýlyǵy nasharlap jatqany habarlandy. Bul týraly belsendi Rınat Rafhat óziniń feısbýk paraqshasynda jazdy. 

"Búgin advokatynyń aıtýynsha Áıgerimniń omyrtqasy aýyrýda. Saldarynan protrýzıasy asqynǵan deıdi. Oǵan deıin ashtyq jarıalaǵan kezde onyń birneshe tisi túsip qalǵan kórinedi. Qalaı bolǵanda da Áıgerimge shuǵyl, keshendi medısınalyq kómek qajet", dep jazdy belsendi. 

Eske salsaq, jýrnalıs, aýdarmashy, saıası belsendi Áıgerim Tileýjan Qańtar oqıǵasy kezinde "Almaty áýejaıyn basyp alýdy uıymdastyrdy" degen aıyppen 2023 jyly 11 shildede sot úkimimen 4 jylǵa bas bostandyǵynan aıyrylǵan. Ol ózine taǵylǵan aıyppen kelispegen, isti "saıası tapsyrys" dep ataǵan. Qazaqstandyq quqyq qorǵaýshylar ony «saıası tutqyn» dep tanyǵan.