Ulttyq mýzeı tarapy eskertkishtiń alynýyn murajaı holy konsepsıasynyń ózgerýimen baılanystyrǵan. Búginde N.Nazarbaevtyń eskertkishi murajaıdyń turaqty saqtalatyn qoryna ótken.

Murajaı taratqan aqparatta Ulttyq mýzeıdiń 10 jyldyǵyn atap ótý kezinde mádenıet jáne aqparat mınıstrligi murajaı keńistigin jańalaý, jańǵyrtýdy tapsyrǵany aıtyla kele, eks-prezıdenttiń eskertkishi sol ózgeris aıasynda alynǵany meńzelgen.

Azattyq radıosy buryn eskertkish turǵan aýmaqta qazir ekran turǵanyn habarlady.

Bul – Nazarbaevtyń alynyp tastalǵan alǵashqy eskertkishi emes. Qańtar oqıǵasy kezinde Taldyqorǵanda qulatylǵan eskertkishi qaıta turǵyzylmady. Artynsha elordadaǵy Ulttyq qorǵanys ýnıversıtetiniń aldyna qoıylǵan eskertkish alyndy. Sondaı-aq Almaty metropolıteti beketteriniń birinde qabyrǵaǵa qashalyp salynǵan sýreti de qazir joq.