Qaraǵandy ​​oblysynyń polıseıleri buǵan deıin jedel járdem júrgizýshisin uryp-soqqany úshin izdeýde bolǵan Nurbolat Dákebaevtyń ustalýyna qatysty pikir bildirdi.

Polısıanyń dereginshe kúdikti azamattyń óz erkimen berilip, kinásin moıyndaýǵa múmkindigi bolǵan. Alaıda ol polısıa bólimine óz erkimen kelmegen. 

"İzdeýdegi kúdikti Dákibaev zańdy túrde de jáne is júzinde de óz erkimen berilgen joq. Qoldanystaǵy zańnamaǵa sáıkes qylmys jasady degen kúdikke ilingen adamnyń óz erkimen berilýi qarastyrylǵan. Bul jaǵdaıda aıybyn moıyndaý nemese polısıa bólimine óz erkimen kelýi bolǵan joq. Krımınaldyq polısıa qyzmetkerleri jedel izdestirý sharalarynyń keshenin júrgizip, nátıjesinde memleketaralyq izdeýde júrgen Dákebaev ustaldy", - dep túsindirdi Qaraǵandy ​​oblysy Polısıa departamentiniń bastyǵy Sanjar Ádilov.

Resmı derekterge sáıkes, qylmystyq isti tergeý istiń barlyq mán-jaıyn jan-jaqty, tolyq jáne obektıv zertteý úshin qylmystyq zańnamanyń talaptaryna sáıkes júrgiziledi.