Aqtaý áýejaıynda esirtki tasymaldaǵan sheteldikter ustaldy. Bul týraly UQK baspasóz qyzmeti habarlady. 

Komıtet 2024 jyldyń 24 qańtarynda Aqtaý qalasynyń halyqaralyq áýejaıynda Mańǵystaý oblysyndaǵy departamenttiń jedel qyzmetkerleri men shekarashylar esirtki tasymaldady degen kúdikpen eki sheteldik azamatty ustaǵanyn habarlaıdy.

– Osy jolaýshylardyń ish qýysyna rentgenoskopıalyq zertteý bógde zattardyń bar ekenin kórsetti. Arnaıy medısınalyq tásildermen sheteldikterdiń asqazandarynan apıyn tobynyń esirtkisinen turatyn 295 konteıner shyǵaryldy. Alynǵan zattardyń jalpy salmaǵy 2 keliden asady, – deligngen habarlamada.

Sot sheshimimen fıgýranttar qamaýǵa alynǵan. Qylmystyq kodekstiń 286-baby 4-bóligi boıynsha sotqa deıingi tergep-tekserý júrgizilip jatyr.