Seısmologtyń aıtýynsha osy erejelerdi árbir almatylyq bilýi tıis: 

• Sabyrly bolyńyz, úreılenbeńiz;
• Dúmpý kezinde lıft pen baspaldaqty paıdalanbańyz, úı ishinde dúmpýdiń basylǵanyn kútińiz;
• Jıhazdardan, terezelerden, shamdardan, lústralardan alysyraq bolyńyz;
• Tyǵylatyn oryn tabyńyz – "ómir úshburyshy" (kótergish/negizgi/ishki qabyrǵalardyń buryshynan oryn alyńyz);
• Ǵımarattan shyǵý (kópqabatty úılerde – jer asty dúmpýleri toqtaǵannan keıin);
• Sýdy, gazdy, elektr qýatyn óshirińiz;
• Aldyn ala daıyndalǵan "dabyl chemodanyn" alyńyz;
• Ǵımaratty evakýasıalaý kezinde elektr jelilerinen, ǵımarattardan, aǵashtardan aýlaq bolý kerek;
• Jer asty dúmpýlerine daıyn bolyńyz;
• Balalarǵa, qarttarǵa, múgedekterge kómek kórsetińiz.

   Sondaı-aq ol Almaty 9-10 baldyq seısmıkalyq aımaqta ornalasqan. Sondyqtan tótenshe jaǵdaıǵa árbir azamat daıyn bolýy qajet ekenin aıtady.

   Almatylyqtar úshin jer silkinisi bolǵan jaǵdaıda otbasylyq nemese ujymdyq is-qımyl josparyn aldyn ala jasaý mańyzdy:

• Jer silkinisinen keıin otbasynyń jınalatyn ornyn aldyn ala belgileńiz;
• Jerasty dúmpýlerin kútý úshin páterińizdegi nemese úıińizdegi eń qaýipsiz oryndardy aldyn ala anyqtańyz. Mundaı oryndarǵa: negizgi ishki qabyrǵalardyń janyndaǵy oryndar, ishki negizgi qabyrǵalardan quralǵan buryshtar jatady;
• Ǵımarattan eń qysqa qashý jolyn anyqtańyz nemese ǵımarat ishinde qaýipsiz oryn alyńyz. Shkaftardyń ústińgi sórelerinen aýyr zattar men ydystardy alyp tastaý qajet.

Evakýasıadan keıin aýqymdy tótenshe jaǵdaı týyndaǵan kezde ornalastyrylatyn jaqyn mańdaǵy qabyldaý pýnktine barý kerek. Almatyda zardap shekken turǵyndardy qabyldaıtyn 384 pýnkt bar. Tótenshe jaǵdaılardan zardap shekkender men turǵyndardy qabyldaý pýnktteri, ádette, bilim berý uıymdarynda – mektepterde, balabaqshalarda, kolejderde, joǵary oqý oryndarynda ornalasady.