Belgili jýrnalıs, saıasattanýshy Seıdahmet Quttyqadam 78 jasqa qaraǵan shaǵynda ómirden ótti.

Ol 1946 jyly 9 mamyrda Túrkistan qalasynda dúnıege kelgen. Qazaq hımıa-tehnologıa ınstıtýtyn bitirgen.

Bastapqyda tehnıka salasynda ártúrli qyzmetter atqaryp, keıingi otyz jylda jýrnalısıkamen aınalysty. Saıasattanýshy retindegi pikirlerimen de tanylyp, táýelsiz sarapshy retinde BAQ-qa jıi suhbat beretin.

Eńbek joly:

- 1969-1975 jyldary - Qazaqstan Ǵylym akademıasynyń Munaı hımıasy jáne tabıǵı tuzdar ınstıtýtynyń ınjeneri, kishi ǵylymı qyzmetkeri, zerthana meńgerýshisi;

- 1975-1976 jyldary - Qazaq ǵylymı-zertteý jáne memlekettik fosfor ónerkásibin jobalaý ınstıtýtynyń aǵa ǵylymı qyzmetkeri;

- 1976-1978 jyldary - Qazaq hımıa-tehnologıa ınstıtýtynyń kishi, aǵa ǵylymı qyzmetkeri, oqytýshysy;

- 1978-1986 jyldary - Jambyl gıdromelıoratıvtik-qurylys ınstıtýtynyń syrttaı oqý fakúltetiniń aǵa oqytýshysy, dosenti, dekany;

- 1986-1991 jyldary - Arqalyq pedagogıkalyq ınstıtýtynyń hımıa jáne bıologıa kafedrasynyń meńgerýshisi;

- 1991 jyly - «Araı-Zará» jýrnaly bas redaktorynyń orynbasary;

- 1991-1993 jyldary - eksporttyq-taldaý qyzmeti bas basqarmasynyń bastyǵy, Qazaqstan Respýblıkasynyń Baspa jáne buqaralyq aqparat mınıstriniń orynbasary;

- 1993-1994 jyldary - «Dáyip-Vremá» gazetiniń bas redaktory;

- 1994-1995 jyldary - «Araı-Zará» jýrnalynyń bas redaktory;

1995-1999 jyldary - «Argýmenty ı fakty Kazahstan» gazetiniń sholýshysy, 1999 jyldyń qańtarynan - «Órleý» qoǵamdyq qozǵalysynyń tóraǵasy;

- 2002-2003 jyldary - «Epoha» gazetiniń bas redaktory;

- 2004-2005 jyldary - «Nachnem s ponedelnıka» gazetiniń sholýshysy;

- 2006 jyldyń qańtar aıynan bastap «Mysl» jýrnalynyń bas redaktory.

Keıingi jyldary Ulttyq qoǵamdyq senim keńesiniń múshesi bolǵan.

«Vyzov vremenı», «Mırajı ı realıı», «Slýjenıe nasıı» kitaptarynyń avtory.