2023 jyly Ulybrıtanıada egin jınaýmen aınalysatyn barlyq maýsymdyq jumysshylardyń tórtten bir bóligi Ortalyq Azıa elderinen kelgen, dep habarlady inbusiness.kz saıty.

Basylym málimetinshe, azamattar arasynda maýsymdyq jumystyń tanymaldyǵy eksponensıaldy túrde ósip jatyr. Olardyń barlyǵy Ulybrıtanıaǵa maýsymdyq aýylsharýashylyq jumystary úshin Seasonal Worker visa memlekettik baǵdarlamasy boıynsha barǵan.

Ulybrıtanıa elshiliginiń resmı statısıkasyna sáıkes, 2022 jyly qazaqstandyqtardan aǵylshyn fermalarynda jumysqa ornalasý úshin 2711 ótinim, al 2023 jyly 3994 ótinim berilgen.

2019 jylǵa deıin Ulybrıtanıadaǵy maýsymdyq jumystarda Bolgarıa, Rýmynıa, Polsha sekildi Shyǵys Eýropa elderi azamattarynyń úlesi basym bolyp kelse, 2020 jyldan bastap maýsymdyq jumysshylardyń kópshiligi Ýkraınadan, Reseı men Belarýsten kele bastaǵan.

Anglıa men Ýels ulttyq fermerler odaǵynyń málimetinshe, Ulybrıtanıanyń agrarlyq sektorynda barlyǵy 471 myńǵa jýyq adam jumyspen qamtylǵan, olardyń 58 myńy egin jınaý ýaqytynda ǵana qajet.