QMDM tóraǵasy Naýryzbaı qajy Taǵanuly Egemen Qazaqstan gazetine bergen suhbat barysynda Múftıattaǵy ashyqtyq máselesi týraly suraqqa jaýap berip, jamaǵattan jınalatyn pitir-sadaqa qaıda jumsalatynyn túsindirdi.
"Sharıǵat boıynsha zeket, pitir, pidıa sadaqalary jaǵdaıy joq jandarǵa, jetim-jesirge, qaryzǵa batqandarǵa, Alla jolynda qyzmet etip júrgen azamattarǵa, aqshasy taýsylyp, jolda qalǵan músápirlerge beriledi. Halqymyzda baǵzy zamannan sadaqany meshitke berý úrdisi qalyptasqan. Bul da – senim. Meshitke berilgen sadaqa sharıǵat qaǵıdalaryna saı qaıyrymdylyqqa jumsalady. Sonyń ishinde pitir sadaqa meshit tizimine tirkelgen kómekke muqtaj otbasylarǵa, jetimderge, jalǵyzbasty analarǵa tapsyrylady. QMDB janynda Qarjy ashyqtyǵyn qamtamasyz etetin tekserý komısıasy jumys isteıdi. Ol meshitke zattaı nemese aqshalaı túsken qarajattyń durys maqsatta jumsalýyn qatań qadaǵalaıdy. Halyqtan túsken sadaqaǵa qıanat jasalýyna jol bermeıdi. Qazir meshitke túsetin sadaqa Kaspi QR arqyly júzege asady. "Zeket jáne qaıyrymdylyq" qoryna beriletin zeket te elektrondy júıemen oryndalady. Ózderińizge málim, pandemıa kezindegi qasıetti Qurban aıtta qurbandyq shalý rásimin onlaın rejimde júzege asyrdyq" dedi Naýryzbaı qajy Taǵanuly.
QMDB tóraǵasy qarjy ashyqtyǵyn qamtamasyz etý jumystary jalǵasa beretinin atap ótti.
Pikir qaldyrý