Túrkistan oblysyndaǵy aýdandardyń birinde dıqandar sý tapshylyǵynan eginsiz qalýy múmkin. Ondaǵan gektar qyzylsha men qyryqqabat sýarýsyz qaldy. Dıqandardyń endigi úmiti tek jaýyn-shashynda.

- Egistigimizdi sýara almaı jatyrmyz. Bári qýrap tur, esil eńbek. Qyryqqabat pen qyzylsha qaraıyp jatyr. Sýarý máselesi boıynsha sý sharýashylyǵyna habarlastyq, biraq olar kómektese almady. Endi egindi jańbyr sýymen ǵana aman alyp qalamyz, – deıdi fermer.

Keles óńiriniń dıqandary jaqynda ǵana egilgen qyryqqabattyń qýrap qalǵanyna alańdaýly. Egistikti jaqyn arada sýarmasa, egin múldem shyqpaýy múmkin. Qyzylsha egistigi de sol jaǵdaıda. Maýsymnyń bastalǵany jańa, al shyǵyn kólemi mıllıon dollardan asyp ketti. 

Sýarmaly sýdyń bir bóligi aýdanǵa Ózbekstandaǵy kanal arqyly keletin bolyp shyqty. Kanal búlingendikten, sýdy biraz ýaqytqa toqtatqan kórinedi. Qazir eki eldiń mamandary shuǵyl túrde aqaýdy qalypqa keltirý jumystaryn júrgizýde.

- STK arnasynda tótenshe jaǵdaı boldy. Sýarý organdaryn shaqyryp, qazir jóndeý jumystaryn júrgizip jatyrmyz. Jóndeý jumystary eki-úsh kúnde aıaqtalady. Biz qoldan kelgenniń bárin jasaımyz. Jaqynda sý jiberiledi, – dedi Keles aýdany ákiminiń orynbasary Súleımen Jylqybaev.