"Bek Air" áýe kompanıasynyń Fokker-100 markaly áýe kemesiniń apatqa ushyraýyna baılanysty  tergeý jumysy aıaqtaldy. 

Tergeý barysynda 4 myńnan astam tergeý jumysy júrgizilgen. Onyń ishinde 2000 tekserý, 1350 jaýap alý, 250 alý, 150 sot-medısınalyq saraptama jáne arnaıy zertteý jumysy jasalǵan.

"Halyqaralyq yntymaqtastyq sheńberinde prokýratýra QR Syrtqy ister mınıstrliginiń kómegimen Belgıa, Germanıa, Lúksembýrg, Nıderlandy jáne taǵy basqa shet memleketterge halyqaralyq quqyqtyq kómek kórsetý týraly ótinish berilip, is úshin mańyzy bar qajetti quqyqtyq-tehnıkalyq aqparat alyndy", – delingen Kóliktegi polısıa departamenti taratqan habarlamada.

Qazirgi tańda proseske qatysýshylar sotqa deıingi tergep-tekserý materıaldarymen tanysyp jatyr.