Soltústik Qazaqstan oblysynyń Taıynsha qalasyna sý tasqynyna baılanysty kómekke kelgen túrkistandyq qutqarýshy Bekjan Baldanov kenetten qaıtys boldy. Bul týraly SQO Tótenshe jaǵdaılar departamentiniń baspasóz qyzmeti málimdedi.
45 jastaǵy qutqarýshy 2 sáýirge qaraǵan túni Taıynsha qalasyndaǵy aýdandyq aýrýhananyń reanımasıa bólimine túsken. Bekjan Baldanovtyń ólimine jiti mıokard ınfarktisi sebep bolǵan.
Qutqarýshy Túrkistan oblysy TJD Órt sóndirý jáne avarıalyq-qutqarý jumystary qyzmeti Saıram aýdanynyń № 6 órt sóndirý bóliminiń bólimshe komandıri bolyp eńbek etken.
Marqumnyń denesi týǵan jerine jetkizildi.
