Amanat partıasynyń depýtattary Asqat Aımaǵambetov pen Janarbek Áshimjanov "BAQ týraly" zańǵa túzetý engizýdi usynydy.
Túzetýlerge sáıkes buqaralyq aqparat quraldaryna LGBT ókilderin nasıhattap jazýǵa tyıym salynýy, tipti BAQ qyzmetin toqtatýǵa nemese jabýǵa negiz bolýy múmkin. Bul týraly Vlast.kz portaly habarlady.
"Biz aqparatqa tyıym salý týraly emes, bul qarym-qatynasty dástúrli qarym-qatynastan jaqsyraq dep nasıhattaý týraly aıtyp otyrmyz. Aqparat LGBT ókilderin nasıhattaýǵa nemese dástúrli kózqarasqa qarsy qoıýǵa negizdelmeýi kerek" - dedi Áshimjanov.
Zań jobasynyń 22-babyna "dástúrli emes jynystyq baǵyt" degen sózdermen tolyqtyrý kózdelgen. Qazir jańa tolyqtyrý talqylanyp jatyr.
Pikir qaldyrý