Orynbor oblysynyń Irıklınsk sý qoımasynan Jaıyqqa jiberilip jatqan sý aǵyny sekýndyna 1600 tekshe metrge ósti. Bul týraly  "Kazgıdromet" habarlady. 

Sý kóleminiń artý deńgeıi: 

31 naýryz – sekýndyna 90 tekshe metr;

1 sáýir – 390 tekshe metr sek;

2 sáýir – 390 tekshe metr sek;

3 sáýir 00:00 – 620 tekshe metr sek;

3 sáýir 14:00 – 790 tekshe metr sek;

3 sáýir 18:00 – 870 tekshe metr sekýndta;

3 sáýir 19:30 – 1050 tekshe metr;

4 sáýir – 1314 tekshe metr;

4 sáýir – 09:00 – 1672 tekshe metr; 

Joǵarǵy Oral sý qoımasynda sý kólemi 0.36-dan 0.46 tekshe kılometrge deıin kóteriledi dep kútilip jatyr.  Bul ótken jyldan 9 ese kóp. "Qazgıdromet" Reseıden kele jatqan úlken sý kóleminen Atyraý oblysynda 1993-94 jyldardaǵy sý tasqyny qaıtalanady dep boljap otyr.

"Joǵarydan kele jatqan sý aǵyny Batys Qazaqstan oblysyna búgin-erteń jetýi múmkin. Oral qalasyna jetken kúnnen bastap 4-5 kúnde Inder aýdany aýmaǵyna kire bastaıdy"- dedi «Qazgıdromet» RMK Atyraý oblysy boıynsha fılıalynyń jetekshi ınjener-gıdrology Aqmaral Mızamǵalıeva.