Almaty qalasy Medeý aýdanynyń prokýratýrasy 1997 jyly 196 myń teńgege satylyp ketken Abaı atyndaǵy Qazaq ulttyq pedagogıkalyq ýnıversıteti ǵımaratynyń bir bóligin qaıtaryp aldy. Bul týraly prokýratýranyń baspasóz qyzmeti habarlady.

Prokýratýranyń habarlaýynsha, 1997 jyly Jekeshelendirý jónindegi aýmaqtyq komıtet, oqý korpýsy ǵımaratynyń bir bóligin 196 000 teńgege zańsyz satqan. Sol jyly ýnıversıtetke tıesili 26 sotyq jer telimi de satylǵan. Ony bar bolǵany 62 000 teńgege baǵalaǵan.

Ýnıversıtet ǵımaraty respýblıkalyq mańyzy bar tarıhı jáne mádenıet eskertkish bolyp esepteledi. Sondyqtan onyń satylýyna tyıym salynǵan. Arzanǵa satylyp ketken jer ýchaskesinde qalanyń eń eski sáýlet qurylystarynyń biri – «Eski qaqpa» ornalasqan. Sondyqtan prokýratýra satyp alý jónindegi mámileni zańsyz dep tapqan.

Jekemenshikke ótken oqý korpýsynyń ǵımaratynda keıin «Eski qaqpa» atty meıramhana oıyn-saýyq mekemesi paıda bolǵan.