Respýblıkalyq «Taza Qazaqstan» ekologıalyq ekiaılyq naýqany aıasynda Memleket basshysy Qasym-Jomart Toqaevtyń bastamasymen «Kıeli meken» aptalyǵy barysynda tazalyq jumystary júrgizildi.

«Kıeli meken» aptalyǵy ulttyq ádebıetimizdiń baǵa jetpes jaýharyna aınalǵan «Qozy Kórpesh-Baıan Sulý» shyǵarmasynda jyrlanǵan eki ǵashyqtyń ataqty eskertkishin tazalaýdan bastaldy.

Ekologıa men qorshaǵan ortany jaqsartýǵa baǵyttalǵan is-sharaǵa Aıagóz aýdanynan 100-ge jýyq jas qatysyp, irgeles aýmaqty qalypqa keltirýge úles qosty.

«Aıagóz jastary bastamaǵa uıymdasqan túrde qatysyp jatyr. Aýdan turǵyndary týǵan ólkesiniń tazalyǵyna jaýapkershilikpen qaraıdy. Bizdiń ortaq mindetimiz – týǵan qalamyzǵa qamqorlyq jasap, ony baǵalaý jáne qorǵaý», -deıdi stýdent N. Ámirov.

Aksıadan keıin tarıhı-mádenı eskertkishtiń aýmaǵynda abattandyrý jumystary júrgizildi.