Jýrnalıske kelgen hatta:

"13.04 kúni Atyraýǵa kómekke attanǵaly jatqan baýyrymyz "Hovo" júk kóligin vagonǵa artyp jatqanda oqystan kólik dońǵalaǵy vagonnan taıyp ketip, óz kóliginiń astynda qalyp qoıyp, 7 balanyń ákesi 37 jastaǵy Qospanov Qaıyrbek Álimbekuly degen baýyrymyz marqum boldy. Bala kúnimnen birge ósken ári kórshim, ári dosym edi. Óte meıirimdi kimge kómek qajet bolsa, qol ushyn sozýǵa asyǵyp turatyn azamat. Sońǵy is áreketi de eli úshin kómekke asyǵý bolypty. Kómekke attanar aldyn óte qýanyshty halde bolyp júr edi, jaqsy tilekter aıtyp shyǵaryp salyp edik, amal neshik jete almady", - dep jazylǵan. 

Yntaly aýylynyń turǵyny Qaıyrbek Álimbekulyn jerleý rásiminde marqumnyń joldasy Sara 7 balamen jesir qalǵanyn aıtady.

"Búgin jerledik. Qolymda eki qaınym bar. Bireýi úshinshi toptaǵy múgedek. Balalarymnyń úlkeni - 16 jasta. 10-synypta oqıdy. Al eń kenjem  - 2 jasta", - dedi.

Qazirgi ýaqytta jergilikti jýrnalıser otbasyna arnalǵan qor ashyp, qarjylaı kómek kórsetýde.