2024 jyldyń qańtar-aqpan aılarynda Qytaıdan 10,1 myń avtokólik ákelindi. Bul 2023 jyldyń sáıkes kezeńindegi kórsetkishten eki ese derlik kóp, ıaǵnı 4,8 myń birlikke ósti. Mundaı málimetterdi Qazaqstan Respýblıkasy Strategıalyq josparlaý jáne reformalar agenttigi Ulttyq statısıka búrosy keltirip otyr.

Eki aı ishinde ımporttalǵan jeńil avtokólikterdiń jalpy sany 20 myń birlikti qurady. Osylaısha, elge shetelden jetkiziletin árbir ekinshi kólik Qytaıda shyǵarylady. 

Úsh iri jetkizýshi kúsh biriktirgennen keıin de Qytaımen básekege túse almady. Olardyń úlesi 42% qurady: 

* AQSH – 19% (3,7 myń birlik); 
* Japonıa – 15% (3 myń birlik);
* Koreıa – 8% (1,6 myń birlik).

Bir aıta keterligi, aqshalaı eseptegende Qytaıdan avtokólik ımportynyń ulǵaıýy sandyq kórsetkishtegideı úlken emes. Qańtar-aqpan aılarynda 129,5 mln dollar jumsaldy, bul 43%-ǵa, ıaǵnı 39 mln. dollarǵa artyq. Mundaı dınamıka onsyz da qymbat emes qytaılyq kólikterdiń qoljetimdiliginiń artqanyn kórsetýi múmkin.