«Úlbi» zaýytynyń qyzmetkerleri de ekoaksıaǵa atsalysty
«Taza Qazaqstan» ekologıalyq aksıasy aıasynda oblys ortalyǵyndaǵy «Úlbi metalýrgıalyq zaýyty» AQ qyzmetkerleri Vladımır Potanın eskertkishiniń aınalasyn tazalap, abattandyrý jumystaryn júrgizdi, dep habarlaıdy.
Zaýyt jumysshylary qoqys jınastyryp, qurylymnyń zaqymdalǵan elementterin qalpyna keltirdi.

«Úlbi metalýrgıa zaýyty áleýmettik jáne ekologıalyq bastamalardy árqashan qoldaýǵa umtylady. «Taza Qazaqstan» aksıasy osyndaı ıgi bastamanyń biri. Aksıa aıasynda biz búgin eskertkishti tazalap, jańartyp, syrlap, synǵan plıtalardy aýystyrdyq. Bul jumysqa on beske jýyq adam jumyla kiristi, - deıdi «ÚMZ» AQ baspasóz qyzmetiniń basshysy Alekseı Proskýrákov.

Aıta keteıik, ótken aptada ÚMZ qyzmetkerleri ekoaksıa aıasynda 140 gektardan asatyn zaýyt aýmaǵyn tazartty. Sondaı-aq, jumysshylar zaýyt perımetri boıynsha qala aýmaǵyn abattandyrdy. Bul degenińiz, shamamen, jeti shaqyrymǵa jýyq aýmaq. Jumys áli jalǵasyp jatyr. Kásiporynnyń ár bólimi óz ýchaskesin tazalaıdy.
Kelesi aptada zaýyt qyzmetkerleri ósimdikterge kútim jasaýdy josparlap otyr.