Astana polısıa departamenti eks-mınıstri Qýandyq Bıshimbaevtyń isin qaraıtyn sýdıa Aıjan Qulbaevaǵa jasalǵan qoqan-loqqy faktisi boıynsha qylmystyq is qozǵady. Bul týraly QR Joǵarǵy soty málimdedi. 

"Sýdıanyń uıaly telefonyna belgisiz nómirden qońyraýlar men qorqytý habarlamalary túsken. Qylmystyq kodekstiń 407-babynyń 1-bóligi (Sot tóreligin júzege asyrýǵa kedergi jasaý maqsatynda sottyń qyzmetine aralasý) boıynsha sotqa deıingi İs júrgizý bastaldy. Sýdıa, jeke qaýipsizdik sharalarymen qamtamasyz etildi" – delingen habarlamada.

Sonymen qatar, ınternet keńistiginde júrgizilgen monıtorıń barysynda sýdıaǵa qatysty qylmystyq quqyq buzýshylyq is-áreketteri bar kóptegen jaǵymsyz jazbalar anyqtalǵan. Tekserý nátıjesinde tergeý organy Sýdıaǵa jala jabý baby boıynsha qylmystyq is qozǵaǵan.