«Taza Qazaqstan» respýblıkalyq ekologıalyq aksıasy aıasynda ótip jatqan naýqanyna ult janashyry, halyq aqyny ári jazýshy, qoǵam qaıratkeri, Qazaqstannyń Eńbek Eri Muhtar Shahanov, teatr jáne kıno akteri, pedagog, Qazaqstannyń Halyq ártisi Tuńǵyshbaı Jamanqulov ta qoldaý kórsetti.

Ol «Alataý» dástúrli óner teatry aldyna alma aǵashyn otyrǵyzyp, ekologıalyq sharanyń qalanyń tynys-tirshiligi úshin asa mańyzdy ekenin atap ótip, jastarǵa bata berdi.

«Bul – jaqsy qasıetterdi nasıhattaıtyn, yntymaq pen aýyzbirshilikke shaqyratyn jáne meıirimdilikke baýlıtyn úlken is-shara. Men 82 jasta bolsam da, ortaq múddemiz úshin azamattyq belsendilik tanytyp, aǵash otyrǵyzýǵa keldim. Ásem Almatymyzdy kórkeıtý jolynda qala turǵyndary ǵana emes, qonaqtary da atsalysýy qajet. Mundaı bastamalardy qoldaǵan durys dep oılaımyn. Almaty ekologıalyq mádenıet joǵary damyǵan qalaǵa aınalýǵa tıis. Soǵan tyrysýymyz kerek», – dedi Qazaqstannyń Eńbek Eri Muhtar Shahanov.