Prezıdent Qasym-Jomart Toqaev Qazaqstan halqy Assambleıasynyń onlaın ótip jatqan HHHİİİ sesıasynda eldegi alapat tasqyn zardabyn joıý maqsatynda memlekettik búdjetti únemdeý rejımi engiziletinin habarlady.
– Osyǵan deıin de aıttym, joıqyn sý tasqynynan buzylǵan úılerdi qalpyna keltirý, zardap shekken turǵyndardyń qalypty ómirge qaıta oralýyn qamtamasyz etý – dál qazir Prezıdent retinde meniń aldymda turǵan asa mańyzdy mindet. Sondyqtan men elimizde buryn josparlanǵan halyqaralyq is-sharalardy qysqartý týraly naqty tapsyrma berdim.
Bıyl Astana halyqaralyq forýmyn ótkizbeıtin boldyq. Árıne, bul – elimizge qajet, óte mańyzdy jıyn. Degenmen ony keıinge qaldyra turýǵa bolady. Al kezek kúttirmeıtin kezdesýler men is-sharalardyń jóni bólek. Bul el ıgiligi úshin kerek, – dedi prezıdent.
Memleket basshysynyń sózinshe, jınalǵan qarajat eldi mekenderdi qalpyna keltirýge jumsalyp, apat kesirinen qıyn jaǵdaıǵa tap bolǵan azamattarǵa kómek retinde beriledi.
– Eshkim eleýsiz qalmaıdy. Memleket shyǵyndy túgel óteıdi. Tasqynnyń zardabyn joıý úshin búdjet shyǵystary qysqartylatyn boldy. Memleket qarjysyn qatań únemdeý rejımi engiziledi. Árıne, mańdaı termen tirnektep tapqan dúnıe-múlikti bir sátte joǵaltý ońaı emes. Men muny túsinemin. Zardap shekken azamattarǵa taǵy da aıtamyn: búkil halyq – sizdermen birge. Kóp uzamaı barshańyz qalypty ómirge qaıta oralasyzdar. Ol úshin memleket bárin jasaıdy, – dedi ol.
Pikir qaldyrý