Memleket basshysy til máselesiniń durys sheshilýi eldegi qoǵamdyq-saıası ahýaldyń turaqtylyǵyna edáýir yqpal etetinin málim etti.

– Biz osy asa shetin máselege kelgende syrtqy-ishki faktorlardy eskere otyryp, strategıalyq ustamdylyq jáne toleranttyq tanytýymyz qajet. Biraq bul bizdiń memlekettik tildi jan-jaqty damytýǵa basa nazar aýdaratynymyzdy joqqa shyǵarmaıdy. Men qazaq tili ýaqyt óte kele etnosaralyq qatynas tiline aınalatynyna senimdimin.

Biz birtindep osyǵan kele jatyrmyz. Memleket olardyń túrli jetistikterine, sonyń ishinde saıası sıpattaǵy tabystaryna da nazar aýdarady jáne olardy barynsha qoldaıdy. Búgin osyndaı birqatar azamatqa marapat tapsyrylady, – dedi Q.Toqaev Qazaqstan halqy Assambleıasynyń HHHİİİ sesıasynda.