25 sáýirde Mańǵystaý oblysy Túpqaraǵan aýdanyndaǵy Kaspıı teńizi jaǵalaýynan 12 óli ıtbalyq tabylǵan. Bul týraly oblystyq balyq sharýashylyǵy basqarmasyna súıengen Lada saıty habarlady.
Oqıǵa ornyna jergilikti atqarý organdar men ınspeksıa ókilderi, gıdrobıologıa jáne ekologıa ınstıtýtynyń mamandary baryp, ıtbalyqtardyń synama úlgisin alǵan.
Basqarma málimetinshe, 29 naýryz ben 25 sáýir aralyǵynda Kaspıı jaǵalaýynan 182 óli ıtbalyq tabylǵan. Itbalyqtardyń neden ólgeni ázirge belgisiz.
