Almatynyń Naýryzbaı aýdandyq sotynda úsh adamnyń ólimine ákep soqqan jol-kólik apatyna qatysty sot otyrysy aıaqtaldy.
Avtobýs júrgizýshisin soqqyǵa jyqqan sottalýshy Darhan Ahmetjanov 8 jyl bas bostandyǵynan aıyryldy. Sottalýshyǵa Qylmystyq kodekstiń eki baby boıynsha jaza taǵaıyndaldy. 351 baptyń 3-bóligi “Abaısyzda eki nemese odan da kóp adamnyń ólimine ákep soqqan jol qozǵalysy qaýipsizdigi qaǵıdalaryn buzý” jáne 293-baptyń 1-bóligi “Buzaqylyq” baby boıynsha sheshim shyǵaryldy.
Ol jazasyn eń tómengi rejımdegi kolonıada óteıtin bolady. Sondaı-aq sottalýshyny jábirlenýshilerge ótemaqy tóleıdi.
Eske sala keteıik, jol apatynan 4 adam jaralanyp, 3 adam kóz jumǵan bolatyn.
Pikir qaldyrý