Alaıaqtar sý tasqynynan zardap shekken qazaqstandyqtarǵa "memlekettik ótemaqy aýdaramyz" dep qońyraý shalǵan. Keıin uıaly telefonǵa kelgen kodty suratyp, attarynan nesıe rásimdegen.
Olar ózderin jergilikti atqarýshy organdardyń ókilderi, quqyq qorǵaý organdarynyń qyzmetkerleri nemese eriktiler dep tanystyrady. Bórli aýdandyq polısıasyna osy oqıǵaǵa qatysty shaǵym túsken.
"Alaıaqtar kod jazýdy suraıdy, onyń kómegimen keıinnen ekinshi deńgeıli bankterge nesıe rásimdeıdi. Mundaı faktiler respýblıkamyzdyń birneshe oblystarynda belgili boldy. Olardyń aılalaryna túsip qalmańyzdar. SMS kodtaryn aıtpańyz nemese belgisiz nómirlerden kelgen beıneqońyraýlarǵa jaýap bermeńiz", – delingen resmı habarlamada.
Pikir qaldyrý