Qazaqstanda alty jyldan beri jeńis kúnine oraı áskerı sherý ótpeıdi. Bıyl da úkimet búdjet qarajatyn únemdeý maqsatynda sherý bolmaıtynyn málimdegen bolatyn. Alaıda búgin Baıqońyr qalasynda áskerı sherý ótetini belgili boldy. 

Bul týraly qala ákimdiginiń mamyr aıyndaǵy is-sharalar týraly aldyn ala habarlandyrýynda jazylǵan.  Jospar boıynsha 9 mamyr kúni Baıqońyr qalasyndaǵy Lenın alańyna gúl shoqtry qoıylyp, merekelik konsert pen jeńis sherýi ótetini habarlanǵan. 

Adyrna aqparat agenttiginiń málimdeýinshe, is-sharany Reseı Federasıasy qarjylandyrady. Qalanyń ortalyq alańynan ótetin jattyǵý jasaqtarynyń qatarynda polısıa qyzmetkerleri, Tótenshe jaǵdaılar mınıstrligimen qatar RF ókilderi bolady.

Aıta keteıik, Baıqońyr 2050 jylǵa deıin Reseıge jalǵa berilgen. Búginde Baıqońyrda Ekinshi dúnıejúzilik soǵys ardagerleri qalmaǵan.