Úshinshi ret ótikizilgen aýksıon qorytyndysy boıynsha Qaırat Boranbaevtan alynǵan "Comfort Hotel Astana" qonaqúı kesheni satyp alý quqyǵymen senimgerlik basqarýǵa berildi. Elektrondy saýda alańyndaǵy málimetterge qaraǵanda, qonaqúı 3,9 mlrd teńgege satylǵan.

Aýksıon Astana qalasynyń Investısıalar jáne kásipkerlikti damytý basqarmasynyń bastamasymen tender túrinde ótken. 

Aıta keteıik, Qaırat Boranbaev 2022 jyly "kvazımemlekettik sektordan iri kólemde aqsha jymqyrdy" degen kúdikke ilingen. Oǵan QazaqGaz ulttyq kompanıanyń gazyn satý boıynsha kelisimnen túsken 14,6 mlrd teńge qarajatty jymqyrdy degen aıyp taǵylǵan. Boranbaevty tergeý kezinde quny 1,4 mıllıard teńgeden asatyn "Comfort Hotel Astana" qonaqúı kesheni memleket menshigine ótken bolatyn.