UQK shekara qyzmeti sáýir aıynda 3 186 shekarany buzý deregi anyqtalǵanyn habarlady.

Bir aıda shekarany zańsyz kesip ótken 38, shekarany buzýǵa árekettengen 29 shetel azamaty ustalǵan.

Memlekettik shekara arqyly 1 342 zańsyz alyp ótý faktileriniń aldy alynǵan. Sonyń ishinde 49 derek esirtki zattaryna, 36 derek qarý men oq-dárilerge, 38 derek dinı ádebıetke, 341 derek somasy 12 mln teńgeden asatyn janar-jaǵarmaı materıaldaryna, 744 derek halyq tutynatyn taýarlarǵa, 134 fakti shetel valútasyn shyǵarýǵa baılanysty tirkelgen.

Kaspıı akvatorıasynda 120 brakonerlik faktileriniń aldy alynǵan. Onyń ishinde:

– 54 dana júzý quraldary;

– jalpy uzyndyǵy 244,6 km tordy quraıtyn brakonerlik aýlaý quraldary;

– 1 226 dana (6 tonna) bekire tuqymdas balyqtar;

– 98 428 dana (61 tonna) taza tuqymdas balyqtar;

– 63 dana (1 tonna) ıtbalyqtar. 

Aldy alynǵan zalal somasy 2,3 mlrd teńgeni quraıdy.