- Jyl saıyn elimizde myńǵa jýyq tabıǵı órt oryn alady. Tilsiz jaý adam ómirine, múlkine, sol sıaqty qorshaǵan ortaǵa da orasan qaýip tóndiredi. Ótken jyly 116 myń gektardan astam orman qory órtenip ketti. Elimizdegi orman alqaptary onsyz da óte az, olardyń aýmaǵy órt saldarynan jyl saıyn sırep barady. Ekologıaǵa keltirilgen zıandy eseptemegende, materıaldyq shyǵyn 160 mlrd teńgeden asyp tústi. Qazgıdromettiń boljamyna sáıkes, bıyl jaz aılary ystyq ári qurǵaqshylyq bolady dep kútilýde, - dedi Oljas Bektenov.

Sondaı-aq ol elimizdiń batysy men shyǵysynda jáne ońtústiginde aptap ystyq uzaq saqtalýy múmkin ekenin aıtady.

Demek, órt qaýpi kúsheıe túsedi. Buǵan daıyn bolýymyz kerek. Bıyldyń ózinde 30-ǵa jýyq orman órti tirkeldi. Máselen, ótken jyly órtten qatty zardap shekken "Semeı ormany" aýmaǵy bıyl taǵy da otqa orandy. Abaı oblysynyń ákimdigi baqylaýdy kúsheıtýi kerek. Almaty oblysynda İle-Balqash tabıǵı rezervatynyń aýmaǵynda da qamys órtenip, úlken aýmaqqa jaıylyp ketti. Aqtóbe, Atyraý, Qaraǵandy, Jambyl jáne Qyzylorda oblystarynda qamys pen qýraǵan shóp janyp, órtke ulasty, - deıdi úkimet basshysy.