Qalalyq sot baspasóz qyzmetiniń málimetinshe, 2023 jyldyń 10-17 qarashasy aralyǵynda Shiderti aýylynda turyp, óziniń segiz aılyq balasyna qylmystyq nemquraılylyq tanytyp, ony jetkilikti tamaqpen qamtamasyz etpegen. Bul nemquraılyq balanyń ólimine ákep soqty.

"Aıyptalýshy kinásin tolyq moıyndap, istegen isine ókindi. Sondaı-aq, jaýap berýshiniń kinási sot-medısınalyq saraptamasynyń qorytyndysymen, sarapshynyń aıǵaqtarymen jáne sotta zerttelgen basqa da qujattamalyq jáne zattaı dáleldemeler dáleldendi", dep habarlady baspasóz ortalyǵy.

Prokýror oǵan 1 jyl merzimge bas bostandyǵynan aıyrý jazasyn taǵaıyndaýdy surady. Jábirlenýshiniń ókili memlekettik aıyptaýshynyń ustanymyn qoldady. 

Bul qylmys onsha aýyr emes qylmystar sanatyna jatady jáne ony jasaǵany úshin zańda 3 jylǵa deıin bas bostandyǵyn shekteý nemese bas bostandyǵynan aıyrý túrindegi jaza kózdelgen.

Sottalýshynyń qylmystyq jaýaptylyǵy men jazasyn aýyrlatatyn mán-jaılardyń bolmaýyna jáne jeńildetetin mán-jaılardyń bolýyna baılanysty jazanyń mólsheri kórsetilgen merzimniń jartysynan, ıaǵnı 1 jyl 6 aıdan aspaýy kerek. 

Sot sottalýshynyń jeke basyn jáne otbasylyq jaǵdaıyn eskere otyryp, oǵan 1 jyl merzimge bas bostandyǵynan aıyrý jazasyn taǵaıyndady.

Qalǵan eki jas balaǵa qatysty aıyptalýshynyń ata-ana quqyqtary shektelgen, olar Pavlodar oblysy bilim berý basqarmasynyń "Ekibastuz qalasynyń bilim berý bólimi" memlekettik mekemesiniń qamqorlyǵyna berilgen.

Úkim zańdy kúshine engen joq.