Almatyda "Mýzeıler túni"  halyqaralyq aksıasy aıasynda 2024 jyldyń 18 mamyr kúni saǵat 18.00-den 00.00-ge deıin mýzeılerde tarıh jáne ónersúıer qaýym úshin birqatar qyzyqty is-shara ótedi. 

Iaǵnı, Almaty qalasynyń 8 mýzeıine kirý tegin. Onyń ishinde, Qabanbaı batyr kóshesinde ornalasqan "Almaty mýzeıi", Nurkent shaǵyn aýdanyndaǵy "Mýltımedıalyq dástúrli mýzyka ortalyǵy, Zenkov kóshesinde ornalasqan "Yqylas atyndaǵy halyq-mýzykalyq aspaptar mýzeıi, Tólebaev kóshesindegi Sábıt Muqanovtyń mýzeı-páteri men Ǵabıt Músirepovtiń mýzeı páteri, D.A.Qonaev mýzeıi, Baıtursynuly kóshesindegi Ahmet Baıtursynuly mýzeı-úıi, Qonaev kóshesinde ornalasqan Núrǵısa Tilendıevtiń memorıaldy mýzeıin turǵyndar men qala qonaqtary tegin tamashalaı alady.