Oblystyq polısıanyń habarlaýynsha, alaıaqtyq isiniń qurbandary erli-zaıyptylar bolǵan. Tergeý málimetteri boıynsha, 2023 jyldyń qazan aıynda Selınograd oblysyndaǵy erli-zaıyptylar zeınetaqy qorynan aqsha alý múmkindigine qyzyǵýshylyq tanytqan.

"Tıisti rásimdi júzege asyrý úshin deldaldar kelesi sqema boıynsha jumys istegen. Olar erli-zaıyptyǵa stomatologıalyq emhanaǵa 2 mıllıon 800 myń teńge zeınetaqy jarnasyn aýdarýdy usynǵan. Sondaı-aq keıin bul somany alýǵa bolatynyn eskertken. Deldal qyz óz qyzmetin 228 000 teńgege baǵalaǵan. Aryzdanýshylar onyń bank shotyna aqsha aýdarǵan. Aqmola turǵyndary jarty jyldan astam zeınetaqy jarnalaryn almaǵandyqtan, polısıaǵa aryzdanǵan", – delingen habarlamada. 

Alaıaqtyq áreket faktisi boıynsha Selınograd aýdandyq polısıa bóliminiń qyzmetkerleri sotqa deıingi tergeý amaldaryn bastady. Nátıjesinde, kúdiktiniń jeke basy anyqtaldy.

"Polısıa qyzmetkerleri jedel izdestirý is-sharalaryn júrgizýdi jalǵastyryp jatyr. Sonymen qatar basqa da zańsyz áreketterden zardap shekkenderdiń bar-joǵy anyqtalyp jatyr. Polısıa qyzmetkerleri alaıaqtardan saq bolýdy jáne aqshaǵa qatysty kúmándi usynystarǵa kelispeýdi surady", – delingen habarlamada.