Qazirgi ýaqyt adamnyń is-áreketi, tipti qorshaǵan ortaǵa múmkindiginshe az zıan keltirý týraly oılanýǵa májbúr etedi. Semeıde ashylatyn avtomobıl shınalaryn qaıta óńdeý kásiporny tek tıimdi ǵana emes, sonymen qatar aınalany ekologıalyq taza etýge baǵyttalǵan.

Búginde elimizde ekologıalyq mádenıetti nyǵaıtý úshin «Taza Qazaqstan» úlken naýqany ótýde, bul tek kógaldandyrý men tazalyqqa ǵana emes, sonymen qatar qaldyqtardy qaıta óńdeýge de qatysty. Ádette, paıdalanylǵan avtomobıl shınalary polıgondarda jınalyp, órtenip ketedi, bul qorshaǵan ortany qatty lastaıdy. Semeıde ashylatyn jańa kásiporyn bul máseleni sheshýdi maqsat etip qoıdy.

«EIKOS» JSHS iske qosatyn rezeńke óńdeý zaýytynda aýany tazartýǵa arnalǵan zamanaýı jabdyqtar ornatylǵan. Onyń arqasynda qorshaǵan ortanyń aýasy lastanbaıdy. Bul óndiris tabıǵat úshin qaýipsiz.

Jańa keshenniń dırektory Oleg Demısh óndiris prosesinde paıda bolatyn gazdyń ózdiginen janyp ketetinin, biraq qosymsha qýatty súzgini ornatý týraly sheshim qabyldanǵanyn atap ótti.

- Rezeńke reaktorda 290 gradýs temperatýrada aýasyz ortada janady. Gaz salqyndatý júıesinde kondensasıalanyp, pırolız otynyna aınalady. Bul sehta tazalaý júıesi de ornatylǵan. Reaktordyń ózi syrtqy aýadan oqshaýlanǵan, gaz tolyǵymen janyp, júıeni de, qorshaǵan ortany da lastamaıdy. Degenmen, biz qosymsha keramıkalyq jýýǵa bolatyn súzgini ornattyq. Ol arqyly ótetin tútin tazartylyp qana qoımaı, shamamen 150-200 gradýsqa deıin salqyndatylady. Iaǵnı, aýanyń lastanbaýyn barynsha kózdedik, - dep atap ótti Oleg Demısh.

Sondaı-aq, zaýyt dırektory shınalardy úgindige aınaldyratyn sehta kóp deńgeıli súzgiler men sorǵylar júıesi ornatylǵanyn aıtty.

-SHınalardy úgindilerge aınaldyrý jelisinde jabdyqtar kaskady tur. Bul jelide aýany bólshekterden tazartýdyń joǵary sapaly júıesi qoldanylatynyn erekshe atap ótkim keledi. Ol birneshe deńgeıde ornalasqan, onda bólshekter qýatty súzgilerde ornalasady. Taza shıkizat salmaq ólsheý stansıalaryna túsedi. Aýa lastanbaıdy, ıaǵnı aspırasıa júıesi óte sapaly, - dep atap ótti Oleg Demısh.

Jalpy, zaýyt rezeńkeniń birneshe fraksıalaryn shyǵarady, olardyń árqaısysy ońaı qoldanylady. Sonymen qatar, avtoshınalardy qaıta óńdeýden keıin – toqyma, sondaı-aq, ár shınanyń metal negizi – legırlengen bolattan jasalǵan sym óńdeledi.

-Jalpy alǵanda, qazirgi ekologıalyq kún tártibi qorshaǵan ortaǵa áser etýdiń saldarymen kúresip qana qoımaı, bastapqyda oǵan iri óndiristiń tıgizetin zıanyn azaıtýǵa baǵyttalǵan. Sondyqtan bul jumys bastapqyda aýanyń lastaný máselesin sheshý úshin jasalǵan. Bul durys saıasat – barlyq táýekelder men yqtımal zıan týraly aldyn-ala bilý. Ekologıany oılaýdyń arqasynda biz óńirdiń ekologıasyn aıtarlyqtaı jaqsarta alamyz, - dep atap ótti sarapshy, «Januıa Ortalyǵy» QQ dırektory Janna Jıbraeva.