Halyqaralyq "Qazaq tili" qoǵamy 1989 jyldan beri QR Ata zańy (Konstıtýsıasy), Til týraly Zańy, óziniń Jarǵysy jáne Halyqaralyq normalar negizinde qyzmet jasaıtyn uıym. Omby, Orynbor, Astrahan, Qorǵan, Sankt-Peterbýrg, Saratov, Volgograd qalasynda, Mońǵolıa, Túrkıa, t.b. qalalarynda bólimsheleri bar.

Memorandýmǵa tuńǵysh qazaq tilindegi ekonomıkalyq-bıznes forýmyn uıymdastyrǵan, kásipkerlik aǵartýshylyqpen aınalysa otyryp, zıatkerlik, áleýmettik jobalardy júzege asyratyn SANA FOUNDATION atynan  belgili ekonomıs, táýelsiz sarapshy Maqsat Halyq qatysty. İskerlik etıka men kásipkerlik kodty qalyptastyrýdy maqsat etken kelisim birlesken is-sharalar, semınarlar men forýmdar ótkizýge, bıznes ádebıet pen materıaldardy kóbeıtýge, qazaq tilinde sapaly medıa jáne onlaın kontentti damytýǵa jalǵaspaq.