Búgin aımaq basshysy, oblystyq QHA tóraǵasy Erbol Qarashókeevtiń tóraǵalyq etýimen Jambyl oblystyq Qazaqstan halqy assambleıasy keńesiniń otyrysy ótti.

Keńes jumysyna QHA tóraǵasynyń orynbasary Lýgmar Býlarov, oblystyq Qazaqstan halqy assambleıasynyń qurylym músheleri jáne etnomádenı birlestikterdiń jetekshileri qatysty.

Jıynnyń kún tártibinde Qazaqstan halqy Assambleıasynyń HHHİİİ sesıasy talqylanyp, «Qoǵamdyq kelisim» mekemesiniń atqarǵan jumystary baıandaldy.

Basqosýdyń alǵy baıandamasyn QHA tóraǵasynyń orynbasary Lýgmar Harkıevıch jasady. Ol óz sózinde tatýlyq pen kelisimdi, jalpyqazaqstandyq biregeılikti saqtaý jáne etnosaralyq qatynastardy nyǵaıtý jolyndaǵy Assambleıa jumystaryna tıimdi de tyń baǵyt-baǵdar berdi.

Alqaly jıynda óńirdegi etnosaralyq tatýlyq pen qoǵamdyq kelisimdi saqtaý, oblystyq assambleıanyń qyzmetin jandandyrý jáne onyń qoǵamdyq-saıası róli men mańyzyn arttyrý baǵytynda atqarylyp jatqan jumystar týraly oblystyq «Qoǵamdyq kelisim» mekemesiniń basshysy Mýbarak Jınaqbaeva baıandama jasap, mekemeniń aldaǵy josparlarymen bólisti.

Mýbarak Qasymqyzy etnosaralyq qatynastardy damytýda respýblıkalyq jáne oblystyq jobalardy júzege asyryp otyrǵan óńirlik QHA qurylymdary – «Assambleıa jastary» RQB, Aqsaqaldar men Analar keńesteri, Medıasıa kabıneti, Ǵylymı-saraptamalyq tobynyń kóp qyrly qyzmeti týraly málimdedi.

Óz kezeginde sóz alǵan «Dnepro» Ýkraın etnomádenı ortalyǵy» qoǵamdyq birlestiginiń múshesi Taras Leonenko jastardy memlekettik tildi ıgerýge shaqyrdy: – Qoǵamnyń birligi úshin asa qajet áleýmettik másele – memlekettik tildi ıgerý. Assambleıa — týra osy mehanızmdi halyqqa taratatyn, árbir ókilge jetkizetin, ózge ulttarǵa uǵyndyra biletin uıym. Prezıdentimiz Qasym-Jomart Toqaev qazaq tili – azamattyq ıntegrasıanyń tıimdi quraly, mádenı-rýhanı tutastyqtyń jarqyn kórinisi ekenin aıtty. Sondaı-aq, qazaq tili ǵylymı progres pen bilimniń ozyq jetistikterine jol ashatyn quralǵa aınalýy keregin atap ótken bolatyn, – dedi T.Leonenko.

Kún tártibinde kóterilgen máseleler boıynsha Jambyl oblystyq «Ózbek ulttyq mádenı ortalyǵy» qoǵamdyq birlestiginiń tóraǵasy Bahrom Mýmınov, «Ordabasy» komandalyq oıynynyń Qazaqstandyq federasıasy» RQB prezıdenti Rýslan Ismazov ta taqyryptyq baıandamalaryn jasady.

Keńes otyrysyn qorytyndylaǵan aımaq basshysy Erbol Shyraqpaıuly Memleket basshysy Qasym-Jomart Kemelulynyń Qazaqstan halqy Assambleıasynyń HHHİİİ sesıasynda bergen tapsyrmalary Jambyl oblysynda sapaly oryndalýy qajettigine toqtaldy.

Sonymen qatar, óńirde etnosaralyq kelisim men turaqtylyqty saqtaý, memlekettik tildi nasıhattaý jáne jastardy qoǵamdyq-mádenı ómirge tartý boıynsha júrgiziletin jumystar júıeli jáne sapaly bolý kerektigin de atap ótti.