Ol mekemeniń materıaldyq-tehnıkalyq bazasymen tanysyp, túıtkildi máselelerdi tyńdady. 1986 jyly salynǵan ortalyq ǵımaraty eshqashan jóndelmegen, keıbir jabdyqtar eskirgen, sonymen qatar maman tapshylyǵy máselesi bar.

«Biz ǵımaratty qala búdjeti esebinen jóndeý týraly sheshim qabyldadyq. Sondaı-aq ǵylymı zertteýlerge shamamen 2 mlrd.teńge bólinedi, bul eńbekaqy tóleý qoryn ulǵaıtýǵa, sheteldik áriptestermen tájirıbe almasýǵa, jańa kadrlar tartýǵa múmkindik beredi. Bul ortalyq qala úshin ǵana emes, búkil el úshin óte mańyzdy, sondyqtan ol álemdik standarttarǵa saı bolýǵa tıis», - dedi Erbolat Dosaev.

Ortalyq seısmıkalyq qaýipti baqylaý jáne baǵalaýmen aınalysady. Seısmologıalyq baqylaýlardyń respýblıkalyq jelisi búkil el boıynsha 70 stansadan turady. Munda jer qyrtysynyń qozǵalysy 160 túrli ólshem boıynsha baqylanady.