Syrty aq mármármen kómkerilgen rýhanı ortalyqtyń aýmaǵy 12 gektardy alyp jatyr. Al onyń ishine 12 myń adam sıady. Seıtjan qarı esimi berilgen qulshylyq ornyn belgili kásipker Serikjan Seıtjanov salǵan. 

“Osyndaı deńgeıge jetýge birinshi Alla, ekinshi babalarymyz, úshinshi ózimniń ákeme arnap sol kezde ákemizde 6 jastan bastap 12 jasta qurandy jattap alǵan qarı bolǵan kisi. Osy jaǵdaıdyń bári atamyzdan, ákemizden taraǵan. Al endi sonyń úlken saltanatty aqmeshittiń ashylýyna kelip otyrmyz. Sizderge myń da bir raqmet!” – dedi kásipker. 

Meshittiń ashylýyna Saýd Arabıasynan arnaıy kelgen sheıh kesti. Qurandy birneshe tilde qaǵaz betine túsirgen kallıgraftyń atasy qazaq eken. Atamekenime kelgenime qýanyshtymyn degen qurmetti qonaq jumada jınalǵan jamaǵatqa aq batasyn berdi. 

Sheıh Osman Toha, kallıgraf:

“Bul jerge birinshi ret kelip otyrmyn. Qazaqstan týraly, qazaqtar týraly aıtar bolsam olar sondaı jomart halyq eken. Aqkóńil. Júrekterinde dinge degen, quranǵa degen mahabbat bar. Osyndaı halyqtyń ortasyna kelgenime men qýanyshtymyn”,- deıdi.   

P.S: Ǵımaratta 1100 orynǵa arnalǵan konferens-zal, 600 orynǵa arnalǵa as berý orny, 100 orynǵa arnalǵan neke qıý zaly, 428 orynǵa aarnalǵan kishi dáret alý orny, medrese men kitaphana bar.