Aızada Amangeldiqyzy 1970 jyly Pavlodar oblysyna qarasty Jelezın aýdanynyń Abaı aýylynda dúnıege kelgen. 

1992 jyly Pavlodar pedagogıkalyq ınstıtýtyn, 2015 jyly S.Toraıǵyrov atyndaǵy Pavlodar memlekettik ýnıversıtetiniń magıstratýrasyn «Memlekettik jergilikti basqarý» mamandyǵy boıynsha támamdaǵan.

Eńbek jolyn 1992 jyly Maı aýdanyndaǵy Aqshıman orta mektebiniń orys tili men ádebıeti muǵalimi bolyp bastaǵan. Alty jyl dırektordyń tárbıe isi jónindegi orynbasary, sodan keıin sol mekteptiń dırektory boldy. 

1998-2002 jyldary Ekibastuz qalasyndaǵy №10 orta mektepte muǵalim jáne dırektordyń tárbıe isi jónindegi orynbasary bolyp eńbek etti.

2002 jyly memlekettik qyzmetke aýysty. Ekibastuz qalasy ishki saıasat bóliminiń bastyǵy, atalǵan qala ákiminiń orynbasary jáne Pavlodar oblysy ishki saıasat basqarmasynyń bastyǵy qyzmetterin atqardy.

2011 jyldan 2014 jylǵa deıin Lebáji aýdanynyń ákimi boldy. 

2014 jyldan bastap 2016 jylǵa deıin – «Nur Otan» partıasy Pavlodar oblystyq fılıaly tóraǵasynyń birinshi orynbasary.

2016 jylǵy naýryzdan Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi boldy.

2020 jyldyń shildesinen Pavlodar oblysy ákiminiń orynbasary qyzmetin atqaryp keldi.