Bul rette odan ári damý sheńberinde tereń óńdelgen ónimder: makaron jáne kondıterlik ónimder, krahmal ónimderi óndirisiniń úlesin ulǵaıtý josparlanýda.
Iaǵnı, bıyl Tiryaki Agro túrik kompanıasy katarlyq Hassad Food kompanıasymen birlesip, Astana qalasynda astyqty tereń óńdeý boıynsha quny $400 mln (qýaty – 240 myń tonna) jobany iske asyrýdy bastady.

Sonyń ishinde, Qostanaı oblysynda otandyq «Qostanaı greın ındastrı» kompanıasy quny 50 mlrd teńge (qýaty – 330 myń tonna) astyqty tereń óńdeý jobasyn iske asyrýda. Al Túrkistan oblysynda «Qazqrahmal» kompanıasy ınvestısıa kólemi 35 mlrd teńge (qýaty – 150 myń tonna) krahmal ónimderin óndirý úshin júgerini qaıta óńdeý jobasyn iske asyrdy. 

Mınıstrliktiń málimetinshe, aldaǵy ýaqytta krahmal, glúten, glúkoza-frýktoza shárbaty, lızın, bıoetanol túrindegi sońǵy ónimderdi álemdik naryqtarǵa eksporttaý josparlanyp otyr. Sonymen qatar 2024-2026 jyldary Qazaqstanda dándi daqyldardy qaıta óńdeý boıynsha 13 jobany iske qosý josparlanǵan.