QR Parlamenti Májilisiniń depýtaty Nurlan Ábdirov Qazaqstanda alǵash ret jekemenshik túrme salynyp jatyr degen aqparattyń shyndyqqa janaspaıtyndyǵyn málim etti,- dep habarlaıdy QazAqparat

"Memlekettik-jeke áriptestik qaǵıdaty boıynsha Qaraǵandyda alǵashqy ret 1500 oryndyq túzeý mekemesi salynýda. Oǵan bilýimshe, 37 gektar jer bólingen. Telearnalardyń birinde jekemenshik túrme salynyp jatqandyǵy týraly sújet berildi. Bile bilseńizder, bul shyndyqqa janaspaıdy, bul jerde áńgimege jekemenshik túrmelerdiń esh qatysy joq»,- dedi Qaraǵandy oblysynyń İİD jeke quramymen bolǵan kezdesýde N. Ábdirov.

- MJÁ qaǵıdaty boıynsha salynǵan túzeý mekemesiniń mártebesi jekemenshik bolmaıdy, - dep atap ótti ol.Ábdirov memlekettik-jeke áriptestik qaǵıdaty neni qamtıtynyn túsindirip berdi."Memleket standarty naqty belgilengen túzeý mekemesiniń tehnıkalyq-ekonomıkalyq negizdemesin ázirleıdi jáne bıznestiń qarjysyn qurylys salýǵa tartady», - dep qosty ol.