Buǵan qatysty byltyr 14 qarasha kúni Memleket basshysy Qasym-Jomart Toqaev qazaqstandyqtardy halyq sanynyń 20 mıllıonǵa jetýimen Quttyqtaǵan edi. Ol quttyqtaýynda «Halqymyzdyń sany jıyrma mıllıonǵa jetti! Barshańyzdy aqjoltaı jańalyqpen quttyqtaımyn! Baqytty otbasy – baqýatty eldiń negizi. Memleket otbasy qundylyqtaryn nyǵaıtý men qatar ana men balany qorǵaýǵa basa mán beredi», - dep jazǵan bolatyn.
Osy oraıda, byltyr ǵana elimizde halyq sany 20 mıllıonǵa jetken bolatyn. Ulttyq statısıka búrosynyń málimeti boıynsha, sońǵy 30 jylda halyq sany 22,3 paıyzǵa ósken. Sonyń ishinde Almaty oblysynyń demografıalyq ósim kórsetkishi de birshama joǵarylaǵan. Iaǵnı, halyqtyń áleýmettik jaǵdaıynyń durystalýymen birge týý kórsetkishi de jyldan jylǵa jaqsaryp keledi. Bul qýantarlyq jaǵdaı, árıne.
Demograf Shynar Pazylbekqyzy Almaty oblysy bólingennen keıingi ýaqyt aralyǵynda týý deńgeıi bir áıelge orta eseppen 3,57 baladan keletinin aıtady.
- Almaty oblysy bólingenge deıin de demografıalyq ósimi bar óńir bolyp tabylady. 2022 jylǵa deıin óńirdegi halyq sany jylyna 1-2 paıyz shamasyna ósip, 2 mıllonnan asty. 2022 jyly oblys bólingennen keıingi ýaqyt aralyǵynda da óńirdegi halyq sany 3,6 paıyzǵa ósti. Oblys halqynyń tez ósýine óńirdiń Almaty qalasyna jaqyn ornalasýy yqpal etedi. Halyqtyń oblys aýmaǵynda turyp, qalada jumys isteý tendensıasy qalyptasyp, ósip keledi. Almaty oblysynyń halqy jas, 2024 jyldyń basyndaǵy statısıka boıynsha 65 jas jáne odan joǵary jastaǵy halyqtyń úlesi 7, 7 paıyzdy qurady, bul jalpy respýblıkalyq deńgeıden (8,8 paıyz) tómen. Halyqtyń tabıǵı ósim deńgeıi de joǵary. Týý deńgeıi bir áıelge orta eseppen 3,57 baladan keledi. Halyqtyń ómir súrý uzaqtyǵy 2023 jyly 74,53 jyldy qurady. Bul respýblıkalyq deńgeıden sál ǵana tómen. Qorytyndylaı kele, aıtatynymyz, Almaty oblysynyń elimizdiń iri megapolısiniń janynda sátti ornalasýy óńirdiń demografıalyq jaǵdaıynyń ońtaıly bolyp turýyna yqpal etedi.
Demograf aıtpaqshy, Almaty elimizdiń iri megapolısiniń janynda ornalasýy sebebinen de munda halyq salyna jyldan jylǵa artyp keledi. Halyq sanynynyń ósýine oraı, jastardy jumyspen qamtýdan bólek turǵyn úılermen qamtamasyz etý, úsh aýysymdyq mektepterdi joıý, densaýlyq saqtaý salasyn damytý sekildi jumystar da qatar atqarylýda. Sondaı-aq eńbekkke qabiletti halyq sany jaǵynan da Qazaqstanǵa úlesin qosyp jatqandyǵyn da baıqaımyz. Buǵan qatysty Eńbek jáne halyqty áleýmettik qorǵaý vıse-mınıstri Erbol Ospanov: uzaq merzimdi demografıalyq boljamǵa sáıkes, 2030 jylǵa qaraı eńbekke qabiletti jastan asqan halyq sany 25 paıyzǵa, al 2050 jylǵa qaraı 1,7 ese ósedi. Eńbekke qabiletti jasqa deıingi halyq sany 2030 jylǵa qaraı ne bári 2%-ǵa, eńbekke qabiletti jastaǵy - 11% -ǵa ósedi, bul rette 2050 jylǵa qaraı ósim tıisinshe 41% jáne 36% quraıtynyn málimdegen-di. Sonyń ishinde Almaty oblysy 2050 jylǵa qaraı demografıalyq júkteme koefısıentijoǵarylaıtynyna kúmán joq.
