Astana qalasynyń qylmystyq ister jónindegi aýdanaralyq soty áskerılendirilgen temirjol kúzeti JSHS bas dırektory, onyń orynbasary men menedjerge úkim shyǵardy. Bul týraly Antıkor habarlady. 

"Sot úkimimen Nahanovqa 8 jyl bas bostandyǵynan aıyrý jazasy taǵaıyndaldy. Sol úkimmen Muqataeva men Sıdıkov 7 jylǵa bas bostandyǵynan aıyryldy. Atalǵan adamdar memlekettik qyzmette qyzmet atqarý quqyǵynan ómir boıyna aıyryldy", – delingen resmı habarlamada.

Olar beınebaqylaý jabdyqtaryn satyp alýǵa bólingen 159,4 mln teńgeni jymqyrǵany úshin kináli dep tanyldy. Nahanov odan bólek laýazymyn asyra paıdalanyp, qaǵaz júzinde adamdy áskerılendirilgen temirjol kúzetiniń júrgizýshisi retinde jumysqa ornalastyrǵany úshin de aıyptaldy.