Kentaýlyq talapker Aıdos Qojanov Ulttyq biryńǵaı testileýden 138 bal jınaǵan. Bul - ázirge elimiz boıynsha eń joǵary kórsetkish.

Túrkistan oblysy óńirlik komýnıkasıalar qyzmetiniń málimetinshe, Aıdos Haırýllauly 10 jyl boıy №16 Iýrıı Gagarın atyndaǵy mektep-lıseıinde oqyp, 11 synypta «Grant» mektebine aýysqan. Aıdos bolashaqta matematıka páninen muǵalim bolǵysy keledi.

Túrkistan oblysynda bıyl Ulttyq biryńǵaı testileýge qatysýǵa 27 340 oqýshy ótinim bildirgen. Jalpy oblysta 32 306 oqýshy 11-synypty tamamdaǵan. Onyń 1727-i - «Altyn belgige», 2 466 oqýshy - «Úzdik atestatqa» úmitker.

Aıta keteri, UBT aıaqtalǵannan keıin 31 qazanǵa deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda talapkerdiń UBT nátıjeleri joıylady.