Birinshi baılyq-densaýlyq. Qazirgi tańda ana men bala densaýlyǵy ózekti máselelerdiń biri bolyp otyr. Osyǵan oraı Almaty oblysynda óńirdegi ana men bala óliminiń kóretkishin tómendetý maqsatynda densaýlyq saqtaý salasynyń qyzmetkerlerine sheberlik saǵatary ótti. Bul týraly Almaty oblysynyń densaýlyq saqtaý basqarmasy málim etti. 

İs-shara 2024 jylǵy 21-24 mamyr aralyǵynda Almaty oblysynyń reanımatologtary men gınekologtary úshin uıymdastyrylǵan. Sabaq barysynda óńirdegi ana men bala óliminiń kórsetkishterin tómendetý maqsatynda "halyqaralyq tájirıbeni eskere otyryp, akýsherlik anestezıologıanyń jáne qarqyndy terapıanyń ózekti máseleleri" taqyrybynda mýltıkomandalyq master-klass ótti.

Sheberlik sabaǵyn medısına ǵylymdarynyń doktory, profesor, joǵary sanatty dáriger, akýsherlik patologıasy bar pasıentterdiń "Ulttyq shuǵyl medısınany úılestirý ortalyǵynyń" sarapshy-konsýltanty Jumadilov Agzam Shaımardanuly júrgizdi.

Aıta keteıik, Agzam Jumadilov akýsherlik anestezıologıa jáne reanımasıa boıynsha klınıkalyq hattamalardy ázirleýshi bolyp tabylady. Ol úsh kúnge sozylǵan sheberlik saǵatynda óz tájirıbesimen bólise otyryp, ártúrli patologıalary bar júkti naýqastardy emdeýdiń jańa ádisteri týraly aıtty. Sondaı-aq, perzathanadaǵy ana men bala óliminiń aldyn alý, júktilik barysynda ana men balaǵa medısınalyq kómek kórsetý mańyzy jaıly sóz qozǵady.