Halyqaralyq otbasy kúnine oraı Qazaqstan Respýblıkasynyń Mádenıet jáne aqparat mınıstrliginiń uıymdastyrýymen ulttyq qundylyqtardy jańǵyrtýǵa jáne otbasy men nekeniń jaǵymdy úlgisin nasıhattaýǵa, otbasy mártebesin arttyrý maqsatynda ótkiziletin "Mereıli otbasy" Ulttyq konkýrsyna 2024 jyldyń 15 mamyrynan bastap ótinim qabyldaý bastaldy. 

Konkýrsqa qatysý úshin otbasylar ótinim bildirip, ózin-ózi usyný jolymen, sondaı-aq jergilikti atqarýshy organdardyń, Qazaqstan Respýblıkasynyń zańnamasynda belgilengen tártippen tirkelgen zańdy tulǵalardyń usynýy boıynsha qatysa alady.  Qujattardy tapsyrý merzimi aǵymdaǵy jyldyń 15 maýsymyna deıingi aralyqty qamtıdy.

Aıta keteıik, Konkýrs Qazaqstan Respýblıkasy Úkimetiniń 2014 jylǵy 5 naýryzdaǵy № 181 qaýlysymen bekitilgen "Mereıli otbasy" ulttyq konkýrsyn ótkizý qaǵıdalaryna (budan ári – Qaǵıdalar) sáıkes ótkiziledi (Qaǵıdalarǵa QR Úkimetiniń 2021 jylǵy 6 mamyrdaǵy № 306 jáne 2022 jylǵy 16 qarashadaǵy № 904 qaýlysymen ózgerister engizildi).

Konkýrs ótkizýdiń negizgi maqsaty:

1) Otbasy ınstıtýtyn, adamgershilikti, rýhanı qundylyqtardy nyǵaıtý, erli-zaıyptylar arsynda qarym-qatynastyń mańyzy men qundylyqtaryn taný;

2) Ata-analardyń bala tárbıeleýdegi jaýapkershiligin arttyrý;

3) Otbasylyq qundylyqtardy, kámeletke tolǵan balalarynyń eńbekke qabiletsiz jáne egde jastaǵy ata-analaryna qamqorlyǵyn dáripteý jáne keńinen nasıhattaý;

4) Qazaqstandyq otbasynyń jaǵymdy ımıjin nasıhattaý

Konkýrsqa qatysýǵa músheleriniń eńbekte, sportta, shyǵarmashylyq, zıatkerlik, ǵylymı jetistikteri bar, sondaı-aq qoǵamdyq paıdaly qyzmetke qatysatyn (volonterlik, qaıyrymdylyq, mesenattyq, tálimgerlik) otbasylar jiberiledi.

Alaıda:

1) atqaratyn qyzmeti Qazaqstan Respýblıkasynyń aýmaǵynda tyıym salynǵan uıymdardyń quramyna kiretin (kirgen) músheleri bar;

2) buryn sottalǵan músheleri bar otbasylar ókinishke qaraı konkýrsqa qatysa almaıdy.

Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń qoldaýymen Qazaqstan Respýblıkasynyń Mádenıet jáne aqparat mınıstrligi, jergilikti atqarýshy organdar konkýrstyń negizgi uıymdastyrýshylary bolyp tabylady. Konkýrs eki kezeńde ótkiziledi. Birinshi kezeń – aýdandyq (qalalyq), ekinshi – oblystyq kezeń (respýblıkalyq mańyzy bar qala, astana).

Konkýrsqa ótinim jibergen otbasylar tıisti qujattardy ótkizýi tıis. 

Komısıalar úzdik otbasylardy aıqyndaý týraly sheshim qabyldaý kezinde mynadaı ólshemsharttardy basshylyqqa alady:

      1) otbasy músheleri jetistikteriniń sany men mańyzy (otbasy tarıhy vızıt kartochkasy - tanystyrý rásimi);

      2) otbasylyq dástúrler jáne jádigerler;

      3) otbasynyń rýhanı-adamgershilik kundylyqtary;

      4) balalarynyń jáne nemereleriniń jetistikteri (bar bolsa);

      5) ata-analarynyń úlgi tutarlyq jetistikteri;

      6) otbasy quramy (otbasy músheleriniń sany – bir aýmaqta birge turyp jatqan birneshe urpaqtyń ókilderi);

      7) otbasynyń daryndary;

      8) otbasynyń turmys salty (salamatty ómir salty, bos ýaqyty);

      9) qoǵamdyq-paıdaly qyzmetke (volonterlikke, qaıyrymdylyqqa, mesenattyqqa) qatysýy;

      10) jetim balalarǵa qamqorshylyq, tálimgerlik.