Joǵarǵy sot Qańtar oqıǵasy kezinde qaıtys bolǵan tórt jasar Aıkórkemniń ólimine qatysty úkim shyǵardy. Onyń ólimi úshin eshkim jaýapqa tartylmaıdy.

Qazaqstan Joǵarǵy soty osy kezge deıingi apelásıalyq sot sheshiminiń kúshin joıyp, áskerı qyzmetker Arman Jumandy aqtap aldy.

Bastapqy ınstansıa da Aıkórkem Medelhannyń ólimine kúdikti bolǵan Arman Jumandy aqtap alǵan. Alaıda apelásıalyq sot aqtap alý úkiminiń kúshin joıyp, áskerı qyzmetkerdi 7 jylǵa bas bostandyǵynan aıyrý týraly sheshim shyǵarǵan.

«Jumanǵa qatysty qylmystyq is qupıa rejımde qaraldy. Kasasıalyq qaraý nátıjeleri boıynsha osyǵan deıingi sot aktileriniń kúshi joıyldy. İs kelesi satydaǵy apelásıalyq sot qaraýyna jiberildi» delingen Joǵarǵy sot habarlamasynda.

2022 jyldyń 7 qańtary saǵat 19:30 shamasynda tótenshe jaǵdaı kezinde Almaty ákimdiginiń mańynda ketip bara jatqan avtokólikke oq atylǵan. Saldarynan 2017 jyly týǵan Aıkórkem Meldehan qaıtys bolyp, kámeletke tolmaǵan Janel Meldehanǵa 5 oq tıgen.

Eske sala ketsek, 2023 jyldyń 15 qarashasynda is boıynsha úkim shyǵyp, Almaty garnızony áskerı soty aıyptalýshyny aqtaǵan bolatyn.  Al prokýror úkimniń kúshin joıý jóninde appelásıalyq shaǵym túsiretinin málimdegen. 2024 jyldy 28 naýryzynda Aıkórkem Medelhannyń ólimine kináli degen aıyppen áskerı qyzmetker 7 jylǵa sottalǵan bolatyn.