Ashyq NQA portalynda "Orys tili jónindegi halyqaralyq uıymdy qurý týraly shartty ratıfıkasıalaý týraly" QR zańynyń jobasyn Májilistiń qaraýyna engizý týraly Úkimet qaýlysynyń jobasy jarıalandy. 
Portalda qaýly jobasyna qosymsha retinde Orys tili jónindegi halyqaralyq uıymdy qurý jónindegi shart berilgen. Bul shartqa Qazaqstan, Qyrǵyzstan, Ózbekstan, Tájikstan, Belarýs jáne Reseıdiń birinshi basshylary bıylǵy qańtarda qol qoıǵan bolatyn. 
Shartta halyqaralyq uıymnyń qandaı jumystarmen aınalysatyny jáne qalaı qarjylandyrylatyny jazylǵan. 

Atalǵan shartqa sáıkes, uıym oǵan múshe elderdiń úlestik jarnalary men erikti jarnalary jáne uıym qyzmeti aıasynda baǵdarlamalardy júzege asyrýǵa bóletin qarajaty esebinen qarjylandyrylady. Úlestik jarnanyń mólsheri qujatta naqtylanbaǵan. 

Uıymnyń resmı de jumys tili – orys tili. Uıymdy bas hatshy basqaratyn bolsa, hatshylyq Reseı Federasıasynyń Sochı qalasynda oryn tebedi.