Búgin Nur-Múbarak ýnıversıtetinde «Islamdyq baǵyttaǵy destrýktıvti jáne radıkaldy dinı ıdeologıany ustanýshylardy radıkaldy kózqarastan aryltý jáne ońaltý salasyndaǵy mamandardyń biliktiligin arttyrý»kýrsy saltanatty túrde ashyldy. Qazaqstan Respýblıkasy Mádenıet jáne aqparat mınıstrliginiń Din isteri komıtetimen birlesken joba bıyl besinshi jyl qatarynan ótýde. Kýrstyń ashylý saltanatynda Nur-Múbarak ýnıversıtetiniń rektory, profesor Muhammad ash-SHahhat jat aǵymǵa erýshilermen jumys isteý salasyndaǵy erekshelikterge toqtalyp, qatysýshylarǵa sáttilik tiledi.

Biliktiligin arttyrý úshin elimizdiń túkpir-túkpirinen ıslamtanýshy, teolog, dintanýshy,ımamdar, barlyǵy 77 maman kelgen. Bul jaıly kýrs menedjeri NMÝ profesory Sulý Naǵashybaıqyzy habarlady. Bir aıǵa josparlanǵan kýrs 15 pánge, 140 akademıalyq saǵatqa negizdelgen. Dáristi otandyq bilikti ári jetekshi mamandardan quralǵan oqytýshy-professorlar dáris beredi. Atap aıtsaq, elimizdegi biregeı ıslamı joǵary bilim ordasy Nur-Múbarak EIMÝ, Gýmılev atyndaǵy EUÝ, Qazaqstan musylmandary dinı basqarmasy, sondaı-aq QR UQK Akademıasynyń tájirıbeli mamandary dáris beredi.

«Kýrs din salasyndaǵy mamandar úshin úlken serpilis ári nátıjeli bolyp keledi»,-dedi kýrstyń úzdiksiz menedjeri Sulý Isabaeva. Sebebi kýrs akademıalyq tásilimen ári deradıkalızasıa ádisteriniń akademıalyq máselelerin, maqsatty toptarmen (radıkaldarmen) ataýly túsindirý jumysyn uıymdastyrý, destrýktıvti dinı aǵymdarǵa erýshilermen jumys isteýdiń ádis-tásilderin qamtıtyn ózekti dáristik baǵdarlamaǵa negizdelgen. Kýrs sońynda barlyq qatysýshylarǵa arnaıy sertıfıkattar tabystalady.